禮拜日7點半晚飯時間都有d驚冇位 好彩趕得切唔洗等位 食完出到去就排晒隊喇
雖然天氣未到好凍 但見個個都食煲仔飯就嗌個黎試下 兩個人一個飯唔夠飽 就嗌多左個沙嗲牛通
茶記最經典既沙嗲牛 份量相當多 而且啲沙嗲汁溝落個湯度勁入味 唔會變左牛肉還牛肉通粉還通粉 牛肉都好嫩滑無筋 $30黎講性價比好高
而通粉係用舊式冇坑紋既通粉 個人喜好鍾意有坑紋嗰隻多啲 不過傳統茶記多數都用呢隻
煲仔飯又係多牛肉 牛肉一樣咁滑 隻窩蛋撈完之後變咗熟蛋 熱辣辣再加上好味既甜豉油 天氣再凍啲食就更加正
整體來講質素都中上 係間值得再懲罰嘅黃店
