影片
更多
2015-09-12
2173 浏览
一直以來，「山林道」俾我既感覺都係高級日韓食肆又或者係酒吧既集中地，同「High Tea」之流一D都扯唔上任何關係。如果唔係受到友人既邀請，我真係絕對唔會日光日白之下專登「山長水遠」由尖沙咀行過去！可能已經係初秋，再加上沿途柏麗大道既舖頭琳郎滿目既櫥窗既關係啦，由尖沙咀站A1出口行過去感覺都唔需要太耐，大約十分鐘多少少已經到達山林道路口。要留意既係呢間bar唔係位處山林道兩旁，而係旁邊既横街「松山道」，要細心D先搵到呀！店內裝修非常特別，有D似成日喺電視睇樓節目講果D所謂「英倫風」。除左指定動作英國旗之外，Tower Bridge、Big Ben等等既掛畫隨處可見！酒吧方面既裝修更加非常之classical，配埋非常之old school既吊扇就好似返到去六十年代既英國咁，非常有feel！直得一提既係佢果個整到好似一份報紙咁既design既Menu，非常之有特式！雖然之前喺其他食肆見過類似既design，但能夠做到好似佢咁「多圖少字」、簡單易明之外又能夠keep返報紙既風格真係非常之正，應該喺設計排版上落過工夫，抵讚！英式下午茶 (2位用連2杯飲品) ($198)︰用個好似雀籠咁既「半
可能已經係初秋，再加上沿途柏麗大道既舖頭琳郎滿目既櫥窗既關係啦，由尖沙咀站A1出口行過去感覺都唔需要太耐，大約十分鐘多少少已經到達山林道路口。要留意既係呢間bar唔係位處山林道兩旁，而係旁邊既横街「松山道」，要細心D先搵到呀！
店內裝修非常特別，有D似成日喺電視睇樓節目講果D所謂「英倫風」。除左指定動作英國旗之外，Tower Bridge、Big Ben等等既掛畫隨處可見！酒吧方面既裝修更加非常之classical，配埋非常之old school既吊扇就好似返到去六十年代既英國咁，非常有feel！
直得一提既係佢果個整到好似一份報紙咁既design既Menu，非常之有特式！雖然之前喺其他食肆見過類似既design，但能夠做到好似佢咁「多圖少字」、簡單易明之外又能夠keep返報紙既風格真係非常之正，應該喺設計排版上落過工夫，抵讚！
Afternoon Tea Set (For 2 Persons)
$198
40 浏览
0 赞好
0 留言
四個甜品分別係紅豆綠茶、芒果、咖啡味道既奶凍同埋桂花榚，fushion味道十足。中西式既甜品擺埋一齊既感覺無論係「吸睛度」還是「好味道」都係一樣咁正！難怪我地「唔啱規矩」食晒佢地先！哈哈！
對落一層既係法式Macaron、Cheese Cake同埋Chocolate Cake。Chocolate Cake唔知係咪擺得太耐口感好似略為硬左D，但Macaron亦不至於太甜，不過如果有多幾隻唔同既味道就更加好喇！
最底層既係迷你Pizza、餡餅同埋芝腿治。迷你Pizza感覺非常特別，好似麵包舖果D Pizza麵飽咁，冇諗過Afternoon Tea都有呢D野食，感覺好得意！最衰既係自己差唔多最後先食佢，因為放得太耐既關係令到入口時好似略為凍左少少。芝腿治呢D大路野真係冇乜難度可言，不過餡餅都算特別，能夠做到外面鬆脆之餘亦都食得出裏面熱辣辣既餡料，抵俾個讚！
總括黎講，如果想喺尖沙咀既鬧市搵個靜靜地既地方，喺價錢合理既食物襯托之下「毫無顧忌」咁傾足一個下晝的話，我相信呢個位於山林道既隱閉角落絕對係不二之選！即使當日好快已經食晒D野，但店員都冇馬上收晒佢，用香港常見既「D野黎齊晒未」既態度趕你出門口。喺輕快既英文歌襯托之下，單係可以喺香港呢個彈丸之地坐足一個下晝呢點都值回票價啦！
张贴
