赤山風味料理 (已結業)

食日式一定要試下sushi先啦~飯夠凍,夠密,配料夠大件~ 三文角都新鮮既~所以ok啦^^生蠔, 食落算係新鮮,但有小小沙~size適中!味道算唔錯~拉麵麵身正常hk拉面質地~湯式豬骨湯~但濃度可以改善~因為拉麵最重要其實係湯底~湯底唔夠出色就好難帶出拉麵既精華!之後重要既就係麵身~麵身既硬度同爽口程度都係重要但通常為左滿足不同食客既口感~多數都有分軟中硬~牛柳粒~就有d硬~但就好香~始終鐵版加蔥花會爆得好香口~全場最好食既係呢碟, 推薦!牛肉身夠軟,食落去口感肥度都岩岩好~size又夠多~ 汁都好味~望落去都多到係汁淋淋的 雞腳湯比較濃味,算係好既老火湯,唔係快湯!有用心機整~