富田和食亭 (已結業)

久聞呢間屋村放題以物美價廉馳名，一直都想過黎試試，趁今日星期五，第二日唔洗返工，就出遠d 試試，7點入座就＄178/人，但有120分鐘！梅酒餐廳有offer 清酒同梅酒，難得酒類產唔洗另外加錢，我緊係把握機會叫黎試下，黎到係一壺酒加兩隻銀杯，清甜的梅香味從壺裡幽幽飄出，呷一口，只覺滿腔清冽甘醇，但係我覺得梅酒同清酒都係冰鎮會好飲d， 於是自己DIY, 經過冰鎮既梅酒更冰爽。芒果蝦卷呢個壽司令人回味，芒果味濃郁，配上沙律醬同蝦卷，非常夾！ 推介！！魚生盤:魚生都切得整整齊齊，厚切三文魚甘香可口，八爪魚有海水味，爽口清甜，蟹柳甜味唔假，非常滋味，整體質素不錯。清酒煮蜆：無飲到清酒，就叫個清酒煮蜆補返數，清酒味唔重，但勝在清甜，蜆肉鮮嫩，但蜆肉可以大塊些就好了。甜品飲品：飲品都係道地同康師父系列，食放題有烏龍茶我覺得已經好夠，甜品有豆腐花，jelly同雀巢雪糕任君選擇，豆腐花比較細盒，但比平時既更嫩滑，但又無咁甜。火鍋難得食日式放題有得食火鍋，食得7788既時間，錄d 菜黎食，幫助消化都唔錯！