九湯屋 (已結業)

第一次去東港城，行完一田超市有點肚餓，加上唔知道將軍澳有咩好食，只記得門口位置有間平價拉麵店，於是膽粗粗去試下。店舖除了拉麵，仲有烏冬、定食、小食等選擇。我就揀左九州地獄拉麵。佢可以選擇辣度，由於我唔係太食得辣，所以就揀左少辣。坐左一陣好快就出餐了，要自己去拎。拉麵配有筍乾、流心蛋、海帶、紫菜及薄叉燒。味道就普普通通啦，唔算特別好味，咁既價錢都唔差架啦。個少辣湯底都幾香，少少辣都幾惹味，不過吃吃下就有D咸。如果趕時間或諗唔到食咩既時候，呢間拉麵店都係一間唔錯既選擇。