影片
更多
2016-05-06
249 浏览
甚少喺藍田搵食，因為附近全部都係屋村，冇乜特別野好食。今日剛好有兩個朋友黎我新居參觀，所以就帶左佢地去食放題。好在有book位，因為去到勁多人等緊位，而且店員亦同walk in既客人講話全晚都已經full哂。先了解一下個價錢，原來逢一至四17:15-19:00前離座每位$138咁平，最貴都係星期五六日$178，而家都好少見到放題咁平。一坐低急不及待走去飲品自助區度睇下，都係啲大路嘅罐裝飲品，拎完飲品就坐返埋位開始點餐。成疊order紙都幾多選擇，見到有酒飲先叫咗瓶梅酒一齊share。梅酒梅味重，每人淺嘗幾啖就開始食其他野。刺身共有13種，我哋試咗三文魚刺身、松葉蟹棒刺身、甜蝦刺身及虎蝦刺身，師傅有望住人頭數量而分配刺身，三文魚刺身同甜蝦都不錯，松葉蟹棒刺身我嫌佢太凍，少少硬，而虎蝦原來係好似泰式生蝦，如果有埋泰式醬汁點就好食啦！呢度壽司款式唔算好特別，不過都叫左幾款試吓: 黑松露三文魚壽司、火焰三文魚壽司、火焰蟹棒壽司、火焰鰻魚壽司同鮮帶子壽司，個人比較鍾意火焰三文魚壽司，燒得都夠香，舊飯又唔會好大舊。再嚟個日式蟹籽沙律，都幾爽口，略嫌沙律醬唔夠多。燒羊架，呢個就一般般，因為唔夠香草味
今日剛好有兩個朋友黎我新居參觀，所以就帶左佢地去食放題。好在有book位，因為去到勁多人等緊位，而且店員亦同walk in既客人講話全晚都已經full哂。
先了解一下個價錢，原來逢一至四17:15-19:00前離座每位$138咁平，最貴都係星期五六日$178，而家都好少見到放題咁平。
一坐低急不及待走去飲品自助區度睇下，都係啲大路嘅罐裝飲品，拎完飲品就坐返埋位開始點餐。
成疊order紙都幾多選擇，見到有酒飲先叫咗瓶梅酒一齊share。
梅酒梅味重，每人淺嘗幾啖就開始食其他野。
刺身共有13種，我哋試咗三文魚刺身、松葉蟹棒刺身、甜蝦刺身及虎蝦刺身，師傅有望住人頭數量而分配刺身，三文魚刺身同甜蝦都不錯，松葉蟹棒刺身我嫌佢太凍，少少硬，而虎蝦原來係好似泰式生蝦，如果有埋泰式醬汁點就好食啦！
呢度壽司款式唔算好特別，不過都叫左幾款試吓: 黑松露三文魚壽司、火焰三文魚壽司、火焰蟹棒壽司、火焰鰻魚壽司同鮮帶子壽司，個人比較鍾意火焰三文魚壽司，燒得都夠香，舊飯又唔會好大舊。
再嚟個日式蟹籽沙律，都幾爽口，略嫌沙律醬唔夠多。
燒羊架，呢個就一般般，因為唔夠香草味，但係入口都啖啖肉，唔會好韌。
即炸蒜香雞中翼&紫心香芋丸雞中翼炸得香脆，入口帶陣陣蒜香，十分惹味，而紫心香芋丸都幾脆，入口有甜甜的香芋味。
黃金燒蠔&蒜香燒蠔黃金燒蠔全場最好食之一，雖然蠔燒完好細粒，但燒完個醬十分滋味，比蒜香燒蠔味道更突出，所以我encore左兩次。
叉燒手打烏冬望到樣子已感失望，烏冬有點過軟，湯底味道一般，不過有兩片燒得幾脆口嘅叉燒挽回分數。
大蝦天婦羅&松葉蟹棒天婦羅松葉蟹棒天婦羅幾好食，食到有松葉蟹味道，但大蝦天婦羅炸粉較厚。
清酒煮蜆清酒不濃，蜆肉很多，乾淨沒有沙，配搭紫菜湯亦很配合。
仲打埋個邊爐先走，揀咗番茄湯底，肥牛都唔差。
最後仲食咗泡芙同雪糕，食完好飽，雖然唔至於係非常好食，但以呢個價錢嚟食放題，絕對抵食。
张贴
