Have A Date (已搬遷) 新店位置

今日係Happy friday，但又係月尾，约左朋友食個晚飯鬆一鬆，個朋友問我有乜好介绍，又要平靚正，又要環境試正，咁我就同佢講我公司附近有間西餐叫have a date，應該都合符佢要求，因我有時都会去果度lunch，食物買相和質素唔錯的。至於環境就用水泥牆加木纹方，牆上掛有特別圖案相架，帶有工業風但又不失西式感覺。首先點了兩款作頭盤牛油焗田螺$39酥香牛油溶於螺肉中，螺肉變得甘香軟滑，入口香酥，再伴以香脆軟滑的薯茸，嚼口食味更見突出。蜜餞土匪雞翼$42熱辣辣、皮香脆又充滿豐富香料的滋味。主菜亦点了兩款安格斯肉眼扒$168扒要半熟跟薯菜， 熱力鎖住了肉汁， 肉質鮮嫩， 醬料上加了黑松露油，令肉味多了一份香味。蜜餞豬肋骨$110巳經分開一條條骨上碟，方便食用，味道特別又帶甜絲絲。餐飲兩杯朱古力和杏仁霜，食完豐富嘅晚餐。用兩杯甜甜的飲品作完结，好滿足。