六丸(居食屋)日本料理 (已結業)

放工同老公兩個人去咗旺角睇電話， 之後 行咗入去女人街搵食， 最終見到呢間居酒屋， 話每人食滿 80蚊 ，就可以任叫40蚊一碟有十片嘅三文魚刺身 ，聽落去好似幾吸引 ，而且食物價錢又唔貴 ，所以一於試下。叫咗 一個鰻魚炒飯，一個燒三文魚反捲，一份池魚壽司， 一份芥辣八爪魚軍艦， 兩碟三文魚刺身 同埋兩支asahi ，總共食咗330蚊。池魚壽司: 一般般 ， 冇乜特別。芥辣八爪魚軍艦 : ok啦 ，起碼過紫菜仲係脆嘅 。燒三文魚反捲: 唔好食 ，食唔到三文魚魚油嘅香味。鰻魚炒飯算係驚喜之作， 炒得夠乾身 ，醬汁好好味，味道有層次。三文魚刺身第一碟肥美厚身 ，所以即刻再encore ，點知第二碟 真係好驚嚇 ，薄切• 細塊， 失望。