金太郎 (已結業)

本來諗住食山石火,不過九點去到,佢話要等廿幾卅十張枱,等唔切去左食男友想試好耐的金太郎。不過平價壽司,有左心理準備不會很好味。三文魚壽司($10): 有三件,無咩味,不過都算抵,所以最後都點多一碟。腐皮壽司($10): 腐皮甜甜地。鮮赤貝壽司($10): 沒有特別。不太新鮮。帶子壽司($14): 飯好散,筷子一夾就爛左,差d俾碟豉油浸死左。軟殼蟹手卷($15): 紫菜好硬,味道普通,軟殼蟹好少。海鮮拉麵+煎餃子($27): 份量都幾多,拉麵配料有三隻帶子,蟹柳,魚蛋,魷魚,蛋。煎餃子要趁熱食,頗多油,餡料不多。炸魚皮($10): 我覺得硬左d,不過鹹鹹地,幾好味。我男友就喜歡浸一浸湯,無咁硬,不過就無味。原來要計茶錢,每位一元。晚上十點打後有特價野食。雖然唔係話好好味,不過勝在價錢平,同埋唔係話難食,起碼好過d岩岩係雪櫃拎出嚟就俾客人既日本野。都幾多人食,所以d野唔會話極唔新鮮。