架勢廚房 (東環) (已結業)

每個星期五晚放工返到東涌都夜啦🌛，通常都會出街食，最近呢間「架勢廚房」係我地嘅食堂，有齊台式/韓式/日式/川菜/Burger🌏，兩口子可以揀唔同嘅菜式，彈性又抵食，吸引唔少附近居民買外賣或堂食㗎🕺🏻————————————————👅古早台味二人套餐（$98）👍🏻主食同罐裝飲品各兩份，分別試咗香口惹味嘅鹽酥雞香腸便當🍱，同啖啖肉嘅南部爌肉便當，配料有蔬菜同滷蛋，外食都可以營養均衡啲。如果唔想飲罐裝飲品都可以半價升級其他飲品，我地每杯加$11升級，試咗石榴莫希托同芒果爆珠紅茶，味道媲美手搖飲品🥤，足料夠味！👅炸地瓜丸/芝士肉鬆蛋餅（+$20/+$30）👍🏻套餐加配，小食類同樣合格🆗，地瓜丸香軟甜蜜，蛋餅略帶煙韌，回味台灣夜市嘅滋味👅紐約時代（$78）👍🏻肉排、煙肉、啡菇、車打芝士片、蔬菜等材料，份量之大一口當然咬唔晒🍔，一邊食一邊流肉汁，超滿足👅香烤五花肉配生菜（$54）👉🏻五花肉同生菜份量都比得足，五花肉醬汁偏甜，加埋韓式辣醬，配住菜食嘅肉應該無咁肥吧？🤣————————————————🚩總結：平價地區食堂😆———————————————— 🌟注意：目前做緊週年慶，指定餐點88折————