影片
更多
2006-12-26
仲就得呢個鋪位原本係甘潮的,以往經過厚福街,都會遙望甘潮,見到晚市一個人無,個心有D up up 地,終於都做唔住,換來的是這家頗有特色的地中海餐廳。好!廢話少講!聖誕節,最令我驚訝的,是竟然有好多Booking,二十個位幾乎係book哂咁濟!絕對唔係無人幫襯。我地沒有book檯,但因為當時成六點幾,都算係早,可以俾我地食,但7:55分要交返張檯出來,於是我們決定在這裡吃飯。先來了一客二人份量的沙律,沒有水果和沙律醬,取而代之是蔬菜如紅椒、青瓜、生菜,仲有一粒粒好鹹的(唔知係咩果)同係一粒粒米白色貌似芝士但味道又唔似的物體,加入橄欖油同特別的醬汁(好似豉油),成個沙律都好fresh好特別,味道亦不算淡。但他說這並不是人人接受到囉,就好似我咁,就完全接受唔到粒好鹹的咩咩果,但唔想浪費都勉強食左幾粒;而他就接受唔到生洋蔥,吃後真是狂流眼水,超攻鼻,但俾佢的感覺真係幾好,食完之後陣沙律味在口腔中久久不散。之後有湯,清清地,有少許魚肉粒,加入大量香料。最後一碟前菜,就係炸唔知咩咩,不過有我所知既就係,白色的就是豆蓉,好綿好滑,個feel就好似食薯蓉咁;仲有矮瓜蓉。等左好耐,終於出左個Main
厚福街,都會遙望甘潮,見到晚市一個人
無,個心有D up up 地,終於都做唔住,
換來的是這家頗有特色的地中海餐廳。
好!廢話少講!聖誕節,最令我驚訝的,是
竟然有好多Booking,二十個位幾乎係
book哂咁濟!絕對唔係無人幫襯。我地沒
有book檯,但因為當時成六點幾,都算係早,
可以俾我地食,但7:55分要交返張檯出來,
於是我們決定在這裡吃飯。
先來了一客二人份量的沙律,沒有水果和
沙律醬,取而代之是蔬菜如紅椒、青瓜、
生菜,仲有一粒粒好鹹的(唔知係咩果)同
係一粒粒米白色貌似芝士但味道又唔似的
物體,加入橄欖油同特別的醬汁(好似豉
油),成個沙律都好fresh好特別,味道亦不
算淡。但他說這並不是人人接受到囉,就
好似我咁,就完全接受唔到粒好鹹的咩咩
果,但唔想浪費都勉強食左幾粒;而他就接
受唔到生洋蔥,吃後真是狂流眼水,超攻鼻,
但俾佢的感覺真係幾好,食完之後陣沙律味
在口腔中久久不散。
之後有湯,清清地,有少許魚肉粒,加入大量
香料。
最後一碟前菜,就係炸唔知咩咩,不過有我
所知既就係,白色的就是豆蓉,好綿好滑,個
feel就好似食薯蓉咁;仲有矮瓜蓉。
等左好耐,終於出左個Main dish----
有大蝦伴牛油汁及羊架。
其實隻大蝦真係好大,大到我都唔知點食,
用刀叉切又嫌麻煩,所以決定不顧儀態用手
剝殼來吃。味道方面,大蝦並不算突出,但蝦
肉幾爽口。至於羊架,絕對並不是於下面的
食評所說,只有一蚊gum大!雖然不算大,亦
都唔算飽肚,但前菜夠多,已經填左少少肚,
而羊架的味道絕對係一流,羊肉非常美味嫩
滑,沒有羊的騷味,加入濃濃的醬汁(好似係忌
廉磨菇汁),下面有番茄薯蓉最底,真係好味
到暈!!
甜品有土耳其燉蛋,當時希望唔好係D好平
凡平時都食到的燉蛋喇。但呢個燉蛋,絕對
無令我失望。首先,用陶瓷盤裝住,已經好
特別;外表好似葡撻,面頭有一塊硬硬地的焦
糖,下面是溶溶地的燉蛋,燉蛋其實真係唔係
好多,粗略估計只有1.5-2cm 厚,但味道真係
唔識形容,真係好正!
老公還叫了心太軟,用匙想整開佢黎食時,
外面與普通的蛋糕無異,但就Feel到好軟,震
震下,好似有液體0係入面,形態就好似流沙
餡咁,顏色就好似「津」子醬咁,非常之正。
餐飲有土耳其咖啡同蘋果茶。土耳其咖啡不
用加糖,亦沒有匙俾你搞勻佢,杯咖啡的特色
就係沒有咖啡的香味,d咖啡粉最終會沉澱落
底,下次都係叫蘋果茶。
由於佳節關係,set dinner比平日貴幾十蚊,
不過唔駛加一,但真係唔會找錢俾你,預你俾
小費。不過都無咩所謂。
张贴
