紅蔥頭

营业中

休息中

呢間餐廳喺紅磡好近理工大學，今日都見到好多大學生過嚟食，之前有聽朋友講過係「大學飯堂」黎架！入去一睇先知道價錢真係非常實惠～白菌牛柳$72包嘢飲、餐湯同埋餐包呢個價位真係好抵，最怕係牛咬唔郁，點知又唔會喎，質素又唔差，最重要係冇筋，味道都唔錯煙三文魚凱撒沙律$79嚟到係超大碟，有啲煙肉同麵包粒，去增加口感，而且好多醬，啱晒我呢個重味人安格斯漢堡配炸薯條$79炸薯條份量超多，好有薯味，熱辣辣超脆，估唔到呢個價位安格斯都幾有肉汁，漢堡入面仲有蕃茄、菜同埋大量沙律醬，嘢飲方面，我哋叫咗特飲，一杯係玫瑰百香果，同埋橙芒果，2杯都唔會好甜，好解渴呢個午餐份量相當大，本身主食份量已經多，仲有埋餐湯、餐包、同埋嘢飲，真係食得好飽。