影片
更多
2016-07-07
243 浏览
成班老友食飯，最好就係食中菜，朋友推介呢間新開既「三分俗氣」，話又平又抵食，就黎試下啦！朋友特別推薦呢度既包點，果然無介紹錯，「小楊生煎」($32)肉質鮮嫰，底層煎得香脆，包內充滿香濃湯汁，食時小心辣親嘴！怕熱氣既可以試「招牌小籠包」($35)，皮薄餡靚，入面同樣充滿湯汁，我鍾意原汁原味唔點醋食。想試特別一D，推介「上海韮菜餅」($24)，外皮似春卷，超薄+酥脆，入面係韮菜同雞蛋，好香。「上海燻魚」($58)做得乾身，甜甜既醬汁加埋燻魚既香味，好食。「四喜烤麩」($35)香甜鬆軟，有少少似軟身既齋雞粒味道，我喜歡。「紹興醉雞」($58)，雞肉嫰滑，有酒香同話梅甜香，做得唔錯。「蘿蔔絲海蜇」($45)，海蜇同蘿蔔絲同樣咁爽口，咬落sok sok聲，爽！「京式素鵝」($38)外皮煎得好脆，入面腐皮仍然軟嫰，食時記得點喼汁，夾到震。之前未試過「腌篤鮮」($52)，上網google左一下。原來呢個係用春筍同五花肉一齊煮既湯，「腌」指腌製過既鹹肉，「鮮」係新鮮食物，「篤」係用小火燜既意思。呢道「腌篤鮮」帶鹹肉香味，湯汁色白，春筍脆嫰，好有特色！「樟茶鴨」($108) 帶有好香既煙燻味道，外皮香脆
朋友特別推薦呢度既包點，果然無介紹錯，「小楊生煎」($32)肉質鮮嫰，底層煎得香脆，包內充滿香濃湯汁，食時小心辣親嘴！
怕熱氣既可以試「招牌小籠包」($35)，皮薄餡靚，入面同樣充滿湯汁，我鍾意原汁原味唔點醋食。
想試特別一D，推介「上海韮菜餅」($24)，外皮似春卷，超薄+酥脆，入面係韮菜同雞蛋，好香。
「上海燻魚」($58)做得乾身，甜甜既醬汁加埋燻魚既香味，好食。
「四喜烤麩」($35)香甜鬆軟，有少少似軟身既齋雞粒味道，我喜歡。
「紹興醉雞」($58)，雞肉嫰滑，有酒香同話梅甜香，做得唔錯。
「蘿蔔絲海蜇」($45)，海蜇同蘿蔔絲同樣咁爽口，咬落sok sok聲，爽！
「京式素鵝」($38)外皮煎得好脆，入面腐皮仍然軟嫰，食時記得點喼汁，夾到震。
之前未試過「腌篤鮮」($52)，上網google左一下。原來呢個係用春筍同五花肉一齊煮既湯，「腌」指腌製過既鹹肉，「鮮」係新鮮食物，「篤」係用小火燜既意思。呢道「腌篤鮮」帶鹹肉香味，湯汁色白，春筍脆嫰，好有特色！
「樟茶鴨」($108) 帶有好香既煙燻味道，外皮香脆，點少少乳豬醬，連手工包一齊食就為之very good！
「辣子雞」($128) 面頭鋪滿辣子同花生，個樣好勁！但我唔係太食得辣喎，點算好？試一粒，好彩雞既辣度唔算好強，啱晒我！雞肉炸得香口，既香帶微辣，送飯一流！
「乾煸四季豆」($55)，未試過食咁爽嫰既乾煸四季豆，蝦米夠鹹香，非常impressive，一D都唔簡單。
「蟹粉脆皮豆腐」($120)，呢個係我既至愛推介！蟹粉鮮味濃郁，油香豐盈，豆腐外層炸得脆卜卜，入面仍然保持滑嘟嘟，必食！
食到飽飽，但總要個甜品先夠圓滿。「雪山高力豆沙」($35)外層香脆，豆沙分量剛好，唔會太甜，係唔錯既甜品選擇。张贴
