校長燒肉日韓料理 (沙咀道) (已結業)

好耐之前曾去過佢地元朗店幫襯過，覺得食物唔錯，多款色去選擇，反而荃灣店未食過，今日約左班朋友落荃灣店試下先。一去到登記拎位，但未夠鐘故出面已經排隊等入座了。上到去發覺地方比元朗店大好多，食物種類好多款，除左D肉類外，仲有湯、沙律、甜品、炸物、火煱，連點心都有，好多選擇。而飲品亦都不少選擇及任飲。終於經過一番努力去拎食物後，開始準備去燒肉食了，嘩！夾左好多款食物🥰，每款都試匀了另外每枱都送一碟蠔、豬腩肉及牛扒，牛扒比過面拎的牛肉味濃D，豬腩夠肥，蠔就麻麻。另外餐廳仲有火煱可供選擇材料區，但食燒肉都食飽，飽到食唔落。而甜品方面出面有雪糕及雪條可供選擇，不過款色略為少選擇。總括黎講，呢個價錢有咁多選擇都幾好了。