影片
更多
2015-10-18
564 浏览
食力派朋友出黎食飯，唔使問咁多，梗係揀食放題，今晚仲揀左係燒肉放題，佢地見到梗係開心啦，食肉獸之夜呀～見傳單寫話百零蚊一位，任燒兩個鐘，除左燒肉仲有壽司刺身熟食等，好吸引喎。上到黎，環境ok唔油煙，飲品喺雪櫃自己拎，除左一般汽水，仲有啤酒，茶等。一坐低就出去自助bar到攞野食先，睇到咩啱食就自己拎啦。三文魚刺身ok雖然薄切，壽司雪得太硬了，炸物全部都凍哂，自己擺落爐燒燒佢加熱啦。另外每位會送上蒜容扇貝同海蝦，幾鮮味喎。朋友見咁多肉一時唔知食咩先好，咩都夾哂返位先算，有雞扒、牛扒、牛仔骨、牛柳粒、牛舌、豬腩片、肥牛片、雞翼，魚柳等、另外仲夾左啲冬菇、雞脾菇、蠔菇、茄子等，好多野燒喎。燒燒燒，爐下面加左水無咁大煙，但個盤好易黑，店員都會主動換盤嘅，一見啲食物碟清左就會收盤，又會問使唔使加油等，幾好態度。食得，肉類沒太大驚喜，一般凍肉燒起嘅味，無太多調味，燒完點個甜甜地嘅燒汁都幾好味吖。個人覺得金菇肥牛卷燒起上黎幾正喎，肥美多汁。係燒緊嘅同時出去睇下熟食，有炒蜆，腸仔等，等我食返串咖哩魚蛋先。仲有涼菜，攞左啲泡菜，青瓜，豬耳，酸酸辣辣幾醒胃。燒下菇類先，睇下雞翼燒得幾靚，要用心放係邊位慢慢燒
見傳單寫話百零蚊一位，任燒兩個鐘，除左燒肉仲有壽司刺身熟食等，好吸引喎。上到黎，環境ok唔油煙，飲品喺雪櫃自己拎，除左一般汽水，仲有啤酒，茶等。
一坐低就出去自助bar到攞野食先，睇到咩啱食就自己拎啦。三文魚刺身ok雖然薄切，壽司雪得太硬了，炸物全部都凍哂，自己擺落爐燒燒佢加熱啦。另外每位會送上蒜容扇貝同海蝦，幾鮮味喎。
朋友見咁多肉一時唔知食咩先好，咩都夾哂返位先算，有雞扒、牛扒、牛仔骨、牛柳粒、牛舌、豬腩片、肥牛片、雞翼，魚柳等、另外仲夾左啲冬菇、雞脾菇、蠔菇、茄子等，好多野燒喎。
燒燒燒，爐下面加左水無咁大煙，但個盤好易黑，店員都會主動換盤嘅，一見啲食物碟清左就會收盤，又會問使唔使加油等，幾好態度。
食得，肉類沒太大驚喜，一般凍肉燒起嘅味，無太多調味，燒完點個甜甜地嘅燒汁都幾好味吖。個人覺得金菇肥牛卷燒起上黎幾正喎，肥美多汁。係燒緊嘅同時出去睇下熟食，有炒蜆，腸仔等，等我食返串咖哩魚蛋先。
仲有涼菜，攞左啲泡菜，青瓜，豬耳，酸酸辣辣幾醒胃。燒下菇類先，睇下雞翼燒得幾靚，要用心放係邊位慢慢燒，好易燶架。最有驚喜係燒豬大腸，甘香又肥美，正喎。
甜品時間，有啫喱糖，椰汁糕等，個間色嘅咖啡啫喱布甸幾好味，另外仲有豆腐花，雪糕等，雪糕要左曲奇，紅豆，椰子各一球，甜甜滑滑奶味重。仲攞左西瓜同蕉，西瓜幾清甜，蕉太飽了留返比友人啦。生果好似無refill過，想再攞西瓜時已經無哂了。食物一般，但呢個價錢食到飽又幾抵嘅，最緊要係佢地都係食力派，朋友燒完大堆肉仲食左兩碗雪糕，兩隻蕉同飲左三罐汽水，哈哈哈。
张贴
