南小館Plus (已結業)

每次想食上海野都會嚟到呢度食，因為喺出面食上海野都唔平，而呢度價錢算ok。每一次嚟到必點嘅就係蟹粉小籠包，無錫小籠包，醉雞同埋雞絲粉皮。同出面一樣呢度嘅小籠包都係五粒，不過蟹粉小籠包就真係有啲貴，要成10幾蚊一粒，不過真係值得既，因為佢啲皮好薄，湯亦都夠多，但我哋每次食都嫌佢啲薑絲唔夠。另外佢個雞絲粉皮都好好食，不過太細碟，如果可以大碟啲就好啦。仲有我哋最滿意嘅就係佢會自動幫你斟茶，而嗰啲茶好好飲，我哋亦都買咗返屋企自己沖。所以如果大家想食平間上海嘢就一定要嚟呢度啦