南小館 (已結業)

第一城開咗南小館咁耐，一直都冇食過。今晚近近地去食晚飯，唔駛等好耐就入得。一直都幾鍾意南小館，裝潢舒適，服務又有效率。而且食物價錢屬中下，可以叫多d嚟食。而且自家蕎麥茶好好飲好消濟，除咗堂食晚任斟之外仲可以外帶，我試過買返屋企飲tim ar。今次點了帶子小籠包、雞絲粉皮、蔥油餅、上海粗炒。帶子小籠包入面嘅湯汁吸收咗帶子嘅鮮甜，但帶子嘅口感個人覺得同鮮肉唔match，所以覺得淨鮮肉小籠包好食d，但南小館嘅小籠包一貫嘅皮簿湯甜，係必食之作。雞絲粉皮好食，麻醬味香，雞絲又滑；蔥油餅外脆內軟，好好食但唔係好望到有蔥；上海粗炒好唔掂，除咗豉油味外都係豉油味，配料切得太幼細又少，令到成碟好似齋食粗麵咁。但服務一流，店員好快手，見到d檯turn得又快，唔怪之得晚餐時段都唔需要等。