影片
更多
2016-05-20
999 浏览
每當有長啲既下午時間得閒，我就一定抽時間去飲茶，點心真係永遠食唔嫌，久而久之去尋覓抵食既下午茶就成為左我既習慣！今次經過呢間客家好棧，見佢係稻香集團，啲點心都好似，但有個茶果系列好似幾有特色咁，就去試下啦，可惜令人失望了點心推介：雙色糕：呢個係特價紙上面 $8有3件，雙色係指紅棗同薑汁雙併，食落煙韌好有口感，重點係中和返食咁多包澱粉質好漏咁既感覺，而且價錢超值煎堆咸水角併盤：呢個炸物併盤就岩哂我想食咁多炸野但又無得叫返佢既貪心鬼啦煎堆饀都香甜但唔會有好空心既情況，反而咸水角就不角不失，但明顯比起平時原價叫果啲縮左水囉翡翠叉燒腸：平時叉燒腸就必叫既，但係呢到都係有加左翠玉瓜粒係入面，而且份量唔少，減低油膩感之餘仲有爽脆口感，值得一讚！馬拉糕：雖然唔算好軟熟，但勝在八蚊雞大大個好抵！睇下幅圖，個馬拉糕係成個籠咁大個架！唔係就咁四方形咁細細件~但令人失望既點心都唔少架！首先佢個茶果系列我揀左最普通既眉豆茶果啦，咁我本身都係因為呢樣吸引入黎，點知黎到個茶果又細粒又涷既，重點係個饀明明只係幾粒眉豆，但都可以好似無調味過咁，淡而無味同埋質感好差，比起街邊食過既都難食仲要做招牌點心喎....糯米捲平
點心推介：雙色糕：呢個係特價紙上面 $8有3件，雙色係指紅棗同薑汁雙併，食落煙韌好有口感，重點係中和返食咁多包澱粉質好漏咁既感覺，而且價錢超值
煎堆咸水角併盤：
呢個炸物併盤就岩哂我想食咁多炸野但又無得叫返佢既貪心鬼啦煎堆饀都香甜但唔會有好空心既情況，反而咸水角就不角不失，但明顯比起平時原價叫果啲縮左水囉
翡翠叉燒腸：
平時叉燒腸就必叫既，但係呢到都係有加左翠玉瓜粒係入面，而且份量唔少，減低油膩感之餘仲有爽脆口感，值得一讚！
馬拉糕：
雖然唔算好軟熟，但勝在八蚊雞大大個好抵！睇下幅圖，個馬拉糕係成個籠咁大個架！唔係就咁四方形咁細細件~
但令人失望既點心都唔少架！首先佢個茶果系列我揀左最普通既眉豆茶果啦，咁我本身都係因為呢樣吸引入黎，點知黎到個茶果又細粒又涷既，重點係個饀明明只係幾粒眉豆，但都可以好似無調味過咁，淡而無味同埋質感好差，比起街邊食過既都難食仲要做招牌點心喎....
糯米捲平時都一定叫，但今次包皮竟然係乾之餘好似縮左水咁，好唔新鮮既感覺，其中有兩隻個size仲特別細隻，食落糯米唔軟熟仲有啲硬身，唔多掂喎！！！
總括黎講，大半點心都唔算高質甚至乎係差，但講到價錢都係平過好多酒樓，所以睇您點揀咯
张贴
