銀座日本北海道刺身壽司 (已結業)

不嬲都有食開呢間，但裝修之後就未食過，今日試試。環境光猛左、枱同枱之間闊左坐得舒服左。螺肉以前有一大碗，依家$25得咁少，仲少過超級市場買。不過就夠大粒。火炙鰻魚壽司燒完唔好味，無左鰻魚既香味，燒得太乾，好似食緊魚乾咁。火炙三文魚壽司呢個係每次都會叫，燒得岩岩好，面有少少焦，入面仲係生，加埋沙律醬，一流。串燒牛舌幾香黑椒味，不過我覺得太淋，爽口番少少會更好。牛油焗雜菌 完全搵唔到牛油，無味。蒜蓉牛油蜆 豉椒炒蜆就食得多，呢個就第一次食，幾香蒜蓉味，唔錯。