影片
更多
2025-03-06
323 浏览
聽講西九龍8樓有間似樣嘅拉麵，之前覺得有啲不可思議，畢竟8樓咁多年嚟都係food court，主打平價；而拉麵喺香港一直做唔到雲吞麵噉嘅平民程度，街賣70元以下價位嘅拉麵通常差過出前一丁......成百蚊碗拉麵喺西九8樓應該好難生存，但㩒到60蚊一碗又好難期望有質素，呢個係我先入為主嘅概念。而呢間日之麵屋，最平拉麵連小食，係45蚊。曾有少少想試佢最平之選，但見到人嗌嘅即燒叉燒又好似幾靚，故都係先試個黑蒜油湯。出嘢真係慢，但可以諒解，廚房細細但勁多單，仲要賣埋飯，叉燒又玩即炙。總之趕時間開工就真係唔好嚟。講賣相，OK得，叉燒幾好睇，又有紫菜、葱、筍（筍算幾好味）。真係唔似70元內嘅拉麵。入正題，湯頭，一般，香港常見嗰種豬骨味。麵，我覺得淥腍咗，但至少唔係公仔麵咁嘅，咁平價，算係咁。如果廚房唔夠人控制煮麵水準，不如改用粗身少少嘅麵。有味蛋好紅，應該係靚嘢，蛋黃外嗰浸熟咗少少，有啲起粒，整體OK。叉燒睇得打得，肥瘦適中，算成碗麵最值回票價之處。整體算係滿意，性價比高，下次嚟到唔知食乜好都可以返閹。見到隔離枱叫沾麵，但我覺得真係唔得，除非佢有款專俾沾麵用嘅粗麵，否則呢種麵同湯應該搞到成pat嘢
而呢間日之麵屋，最平拉麵連小食，係45蚊。
曾有少少想試佢最平之選，但見到人嗌嘅即燒叉燒又好似幾靚，故都係先試個黑蒜油湯。
出嘢真係慢，但可以諒解，廚房細細但勁多單，仲要賣埋飯，叉燒又玩即炙。總之趕時間開工就真係唔好嚟。
講賣相，OK得，叉燒幾好睇，又有紫菜、葱、筍（筍算幾好味）。真係唔似70元內嘅拉麵。
入正題，湯頭，一般，香港常見嗰種豬骨味。麵，我覺得淥腍咗，但至少唔係公仔麵咁嘅，咁平價，算係咁。如果廚房唔夠人控制煮麵水準，不如改用粗身少少嘅麵。有味蛋好紅，應該係靚嘢，蛋黃外嗰浸熟咗少少，有啲起粒，整體OK。叉燒睇得打得，肥瘦適中，算成碗麵最值回票價之處。
整體算係滿意，性價比高，下次嚟到唔知食乜好都可以返閹。見到隔離枱叫沾麵，但我覺得真係唔得，除非佢有款專俾沾麵用嘅粗麵，否則呢種麵同湯應該搞到成pat嘢。仲有佢廚房咁忙，邊度得閒幫手湯割？真係無謂追潮流而搞沾麵喇。
张贴
