上海弄堂菜肉餛飩 (已結業)

喺銅鑼灣行去灣仔。發現新開咗間上海嘢。上網search 下先。咦。原來有4間分店架喇。睇下價錢又幾抵喎。衝入去試下先。環境好舒服。高貴優雅。牆上掛滿一幅幅50。60年代嘅油畫。弄堂解作「小巷」嘅意思。簡單d係食上海菜嘅好地方。食新嘢仲可以增進知識。花雕醉🐔～🐔肉滑溜。濃濃的酒香味道。酸辣湯～材料離不開有筍。冬菇。豆腐。木耳等等。。仲有少見嘅🐷肚。🐷肚唔so。多咗份滋味。其他食肆嘅酸辣湯。一d得個（辣）。一d得個（酸）。呢度嘅酸辣湯做到酸辣恰到好處。真❤好味道。餛飩有3款：1）菜肉 2）素菜 3）西洋菜🙋🏻揀咗菜肉餛飩配豉油湯底。散叫一客有8粒。皮薄餡鮮。菜同肉嘅比例均勻。豉油湯底比較淡口。上海菜都可以食得清淡。小籠包～皮薄多汁唔易穿。炸銀絲卷～外層炸到金黃色。配埋練奶真係無得頂。豆沙鍋餅～豆沙蓉唔太甜。個皮唔會硬掘掘。唔錯真❤推介「上海弄堂菜肉餛飩」。抵食 + 好味如果新界區有就好喇。為食妹👧🏻一定經常幫襯。