新之食 (已結業)

今日Lunch去咗近年越開越多嘅新之食，由十多年前深水埗第一間鋪發展到今時今日，新之食一貫以平、靚、正引來唔少街坊嚟幫襯，依家觀塘區不知不覺己經有三間新之食，今次貪就腳去觀塘裕民坊嗰間食，食物喺落Order後5分鍾左右就送到，都算有效率~~~今餐Order嘅食物：豬扒、北京餃上海麵 ($24) - 豬扒炸得鬆脆可口，唔太多炸粉，可惜裕民坊店無提供甜酸醬，扣小小分；北京餃好一般，超市急凍貨食；上海麵份量夠，麵質軟硬適中，湯底清清地，唔重味精；午餐嚟講整體不錯，可接受~~~餐飲：凍咖啡(跟餐 + $4) – 一般餐廳水準，可以~~~今餐共$28，打工仔午餐有嘢食有嘢飲，總括嚟講呢餐令我好滿足，一定有下次。