宜豐餐廳 (已結業)

為左想搵平靚正既扒餐，今次一行共四人就係平安夜晚試下，由外邊睇鋪裡裝裝修擺設，有幾張卡位好正常，但好奇怪地加設幾張大排檔用的方形枱＆櫈．．．梗係好似好唔balance咁．．．如果冇睇過呢度食評，我入都唔會入去的七點幾去，都坐滿既，但都唔使等好耐，安排左我地坐張六人枱，因為手上多野，好唔好意思咁佔用左兩個空位擺野，不過如果真係需要既，讓番位出黎當然冇問題，不過到最後都冇加人入黎，好多謝佢地，呢種服務態度真係值得一讚今日平安夜有聖誕大餐, 幾多野食的，主菜係牛柳大蝦乳鴿，件牛柳size正常，但好厚，淡淡肉，肉質唔算太淋，有肉味‧另外有叫雜扒，黑椒雞扒，西冷牛扒，都部都係大大件，唔會有厚得黎細件或多件細塊呢ｄ取巧野，比起x鳳、x鷹果ｄ老牌扒房，真係好食又抵食ｄ　下面果位仁兄，鐵板上都會有三槐雞扒的！！超正！！羅宋湯味道幾好，正如下面多位食家的意見一樣，掂掂掂!!白飯就分碟上，唯一不足係ｄ飯比較硬，要扣少少分今天可能特別日子，好似比以前貴左少少，唔知係咪加左價?呢間餐聽絶對有下次的，岩哂我呢ｄ大胃王