北河燒臘飯店 (已結業)

睇完港台節目介紹此店後，我同老公找日到此店品嚐一下廉價早茶。食物：鳳爪排骨盅飯：鳳爪中規中矩，排骨新鮮及醃得入味，豉油微咸及甜，付合盅飯要求，盅飯夠晒熱。牛肉盅飯：牛肉份量勁多，肉質就腍佐D，唔夠彈口，盅飯都係夠晒熱。鵪鶉蛋燒賣：好有肉味，全隻鵪鶉蛋，熱辣辣大大件入落口，正。跟盅飯的油菜：凍及烚得過腍，勁唔掂。普洱盅茶：真係一般，似普通茶樓般無味，可以唔駛叫來飲，因為要錢，同時本身會有普通茶飲。環境及服務：都係比北河街老街坊及勞動工人開飯的地方，所以較為地痞。想食嘜就同D亞姐講，我哋就走到門口揀想食的盅飯，沖茶係可以找D亞姐沖或自己走到燒水處自己沖，好自便。最後，我哋重買佐义燒返屋企煮飯食，夠晒大件及鬆化。