林記燒臘 (青衣商場) (已結業)

今日好想食干炒牛河，但竟然得佢地有得賣，所以就黎左呢到試，然後又見到燒肉好想食，所以今晚就點左個燒腩仔同干炒牛河。首先上左碟燒腩仔，一食入口覺得味道剛好，皮脆肉厚。再加埋個芥末一齊點黎食。簡直是享受，但可惜呢碟腩仔都有點肥，如果可以係瘦肉多點會更好。之後就到干炒牛河，一上枱已經聞到陣陣牛肉香味，火喉十足，當食個時候，河粉每條都油而不膩，唔會痴埋一起，而牛肉餣得好入味，再加埋洋蔥絲，成碟牛河非常好食！