美心西餅 (已結業)

好多時我都食美心既包,因為聽聞其他公司既包好多都用豬油整...唔知係咪,加上美心d包真係好食~*近期食左:1.酸瓜沙嗲牛肉包~好食wor~有兩片酸瓜加埋d碎牛~正~2.日式燒汁什菌包~麻麻...唔知係咪之前食過鮑魚菇包,覺得果個包好食d,有d先入為主既感覺...3.南瓜火腿包~初時好鍾意食架,真係有好多南瓜,不過食得多就覺得唔好食...4.薯蓉,都幾好既~~~食完1個已經好飽...我最鍾意美心果d芝士條,排包同埋4件裝既方包~屋企買左d冰皮~雖然,冰皮呢味野係大班出既,不過論款式同味道就比唔上美心同聖安娜~我最鍾意食美心既冰皮~因為夠細個~咖啡味,綠豆蓉+ strawberry jam同栗子味我都好鍾意食~*聽日又要去買返個包星期一愛黎做早餐喇~~~ps:"包"字係要咁寫~"飽"係錯別字黎架~~~*