Doux (已結業)

Doux餐廳係一棟商業大廈入面，但係全層都係屬於佢嘅，所以佔地都幾大下，而且仲有落地玻璃係窗邊，氣氛真係幾好，浪漫之餘又好舒服Dark chocolate + 椰子味雪芭清新椰子雪芭中和左苦澀dark chocolate。外皮嘅椰子殼用左香濃朱古力黎整，非常細緻，連外皮嘅細紋都整得好真實，而食落朱古力呢好香醇，味道唔會搶左入面椰子雪糕嘅味道，雪糕質感比較creamy，口感較soft，中間仲有冰凍嘅芒果粒，酸酸甜甜，中和番冇咁漏。旁邊嘅配料唔好以為係裝飾黎，佢係新鮮嘅椰子肉同風乾嘅椰子片，椰子味十足呀！乾木瓜條配上佛手柑雪芭，係可以好好味，木瓜既果味同香味非常濃郁，口感爽脆，同一股果乾完全不同；再配合佛手柑雪芭，味道清新，口感幼滑，佛手柑用上做雪芭，真係令我一食再食。