影片
更多
2022-02-15
1386 浏览
第一次係OpenRice 寫食評 就獻左比1仔便當😂 雖然之前喺WhatsApp同埋社交平台都有讚過，但1仔便當嘅服務同食物質素真係好值得我喺OpenRice寫一篇食評去大讚👍🏼其實幫襯過1仔便當好多次，無論係到會定係盆菜，1仔便當次次都唔會令我失望，食過嘅親戚朋友都會大讚👍🏼年初一已同親戚試過招牌盆菜同海味盆菜，食完之後一直想搵機會encore，今日情人節，又凍凍地，又唔比出街食飯慶祝，最好最方便就係叫個盆菜返屋企慢慢嘆😋今日order咗4-6人招牌盆菜（$668）先講食物質素，盆菜攞到返屋企仲係暖，每樣材料都非常新鮮，食得出絕對係即日整，唔係賣隔夜料。我哋一攞到返屋企就即刻翻熱食。大花菇真係好大舊，食完一舊都飽飽地，又夠「淋」同入味👍🏼鍾意食肉嘅，一定要食脆皮豬手同埋扣肉，真係好食到痴左線！扣肉超「淋」超入味，仲要超大舊，再搭埋入面嘅梅菜，真係可以送一碗飯。（知道食盆菜好飽，但真心建議煲定飯嚟送扣肉😂）豬手啲皮加熱完都仲係脆，豬手又勁足料，真係成隻上，仲有條骨可以比飲酒嘅爸爸慢慢「選」，食完真係勁開心勁滿足！今次令我有驚喜嘅係潮洲大魚旦，一盆足足有6粒，每粒都大過乒乓波，最緊要係真
第一次係OpenRice 寫食評 就獻左比1仔便當😂 雖然之前喺WhatsApp同埋社交平台都有讚過，但1仔便當嘅服務同食物質素真係好值得我喺OpenRice寫一篇食評去大讚👍🏼
其實幫襯過1仔便當好多次，無論係到會定係盆菜，1仔便當次次都唔會令我失望，食過嘅親戚朋友都會大讚👍🏼
年初一已同親戚試過招牌盆菜同海味盆菜，食完之後一直想搵機會encore，今日情人節，又凍凍地，又唔比出街食飯慶祝，最好最方便就係叫個盆菜返屋企慢慢嘆😋
今日order咗4-6人招牌盆菜（$668）
先講食物質素，盆菜攞到返屋企仲係暖，每樣材料都非常新鮮，食得出絕對係即日整，唔係賣隔夜料。我哋一攞到返屋企就即刻翻熱食。
大花菇真係好大舊，食完一舊都飽飽地，又夠「淋」同入味👍🏼
鍾意食肉嘅，一定要食脆皮豬手同埋扣肉，真係好食到痴左線！
扣肉超「淋」超入味，仲要超大舊，再搭埋入面嘅梅菜，真係可以送一碗飯。（知道食盆菜好飽，但真心建議煲定飯嚟送扣肉😂）
豬手啲皮加熱完都仲係脆，豬手又勁足料，真係成隻上，仲有條骨可以比飲酒嘅爸爸慢慢「選」，食完真係勁開心勁滿足！
今次令我有驚喜嘅係潮洲大魚旦，一盆足足有6粒，每粒都大過乒乓波，最緊要係真係有魚味同彈牙，而唔係攞啲麵粉嚟Hea我。
鴨掌都好入味同好淋，老人家都食到👍🏼 豬皮大大塊又夠厚，仲要好乾淨冇毛（因為我好怕食到啲豬皮有毛），好爽口，又入味，好正！
蘿蔔冇渣，愈滾愈好食；芋頭夠粉、支竹都好入味，髮菜又夠多，兩個字：滿足！
如果淨讚冇彈，我怕大家以為我係打手，今日唯一美中不足嘅係今日冇旺菜，改左做椰菜，旺菜真心好食啲，不過疫情關係，冇咩菜賣，我都好明白😮💨
最緊要最緊要係，每次食完都唔口渴，呢樣我好滿意👍🏼👍🏼👍🏼👍🏼😋😋😋
份量方面，雖然話係4-6人份量，但大家絕對可以放心，因為個盆菜好足料，每樣餸都有6舊，絕對係6人份量。我哋一家人都係大食底，今日4個人食，都淨返好多，聽晚翻熱又可以食過！開心🥰
服務方面，1仔便當真係好抵讚，亦係我點解次次都要幫襯佢嘅原因之一。次次whatsapp 1仔便當，靚女職員都覆得好快，又有禮貌。又會推介有咩好食、值得食嘅比我。今日知道我屋企有老人家一齊食盆菜，又好細心咁將啲芋頭切細啲比我，方便老人家食。去自取盆菜時，又幫手拎盆菜上的士，今時今日咁嘅服務態度真係唔知係邊度搵！
所以如果大家想叫盆菜同到會，我真心推薦1仔便會！
再一次多謝1仔便當咁用心為我準備食物❤️
4-6人招牌盆菜
$668
46 浏览
0 赞好
0 留言
张贴
