臻味冰室豬扒酸辣米線

由於喺附近返工嘅原因，都幫襯過幾次。因為本身完全唔食酸菜所以每次黎到都有叫走酸菜，但係個廚房真係無忘初心，係每一次都無走過畀我。

以前都有叫佢換畀我，但係呢一次見到佢碗野上枱又係成執酸菜攤晒喺度都知又瀨嘢。我都知午市好忙費事叫啲姐姐換，諗住自己執走佢算。點知有個姐姐走埋黎同我講叫我「下次叫走酸菜呀嘛」，真係火都黎埋，你單就識打走酸，但出到黎無走重要話我？最後食到一半，都係畀錢走人。希望啲姐姐們真係望下自己同事打咗啲咩單先同個客講啦唔該。

但豬扒同牛脷真心好食，有無咩方法可以令佢哋記得走酸菜🫠🫠🫠🫠🫠