一豚豬手專門店 (已結業)

幫屋企加餸，一豚豬手係個好好嘅選擇，除咗豬手，仲有多款滷水食品，勁吸引‼️豬手經過14天醃製，用心製作，份量勁足👍🏻所以唔怪得都有唔少人排隊買😂今次第一次幫襯，當然要試一試佢哋嘅招牌，買咗佢哋嘅原隻招牌黑椒豬手，份量咁多都只係$98，真係好抵食😍 黑胡椒味濃郁，肉嫩有汁，皮脂膠質口感，食落唔會覺得隻豬手過肥‼因為豬手份量太多，所以即日食唔晒。不過，隔咗一日再用焗爐翻熱後都仲好好食🤤另外都買咗大阪脆腩卷($59/半磅)，皮脆到好似中式燒肉嘅皮，肉質帶少少脂肪，食落就好似日式叉燒咁！