休閒茶座 (已結業)

我成日食茶餐廳，其實主要都係想食公仔麵，所以甚麼常餐、特餐、早餐、午餐、下午茶餐對我是沒有分別的，如果無麵餐的話，我會照單點公仔麵，今日去朋友屋企附近交收，之後佢車咗我去一個停車場，泊低車後行去啲村屋方向見有間餐廳，所以入咗去了，雖然好熱但門外都好多人坐，我怕熱，所以入去睇下有無位，午市時間又咁啱有枱，我狂睇餐牌睇下有無麵餐，最後得常餐，$31，有沙爹牛肉麵，煎蛋及方包，配凍檸茶要加$2，唔記得我朋友佢叫乜了。沙爹牛肉麵，沙爹牛肉有汁而肉又算幾滑，麵好似係大光麵之類，無煮得太腍，幾爽口，轉了太陽蛋，所以煎得無咁熟，有蛋汁又夠滑，方包又係普普通通，杯凍檸都算有茶味。