鹿鳴春飯店 (已結業)

今日同兩個以前係美國一齊做野既朋友食晚飯 想搵間有中國特色 好食又坐得耐既地方 要講到中國特別 我就第一時間諗到北京填鴨 所以一早就打咗去訂位先 菜單中英對照 佢地可以自己睇下想食啲咩啦 最後我地叫左北京填鴨一食 花素蒸餃 賽螃蟹 清炒蝦仁 細砂窩雲吞雞 伙記見我地得三個人 就建議我地叫住咁多先 食得晒再嗌啦 哈哈 兩位朋友有少少失望 不過唔好浪費嘛 砂窩雲吞雞對佢地黎講唔算係咩驚喜野 始終dumplings 佢地係超市都會買到 湯好濃好好飲 唔會死咸 清炒蝦仁同賽螃蟹到左 就解釋比佢地知其實賽螃蟹只係炒蛋白 到左戲肉啦 廚師哥哥推左架車仔係枱邊即場片鴨 兩位朋友立即九秒九拎相機出黎拍低呢個「表演」 鹿鳴春既鴨唔會皮到好薄 佢係每一片都有皮有肉 包埋熱辣辣既皮同配菜 每一啖都係一個享受 兩位朋友都對今次晚餐非常滿意 太好嚕