利寶閣 (已結業)

爸爸媽媽始終鍾情於中餐，所以今次就帶佢哋去試吓呢間叉燒出晒名嘅利寶閣。一坐低就見到隔離枱切緊一隻片皮鴨，睇到就即刻order左一份，跟住就叫左一碟芥蘭好鮮嫩，非常難得。當然有試到叉燒飯啦，一大舊叉燒原舊上，保證鎖住肉汁加上滑蛋撈埋個飯一齊食，唔怪得知有黯然銷魂之稱。另外佛跳牆又係令人好回味，有魚翅，鮑魚仔、海參仔同埋一隻雞腳，個湯清清地飲落好舒服。最後仲食咗海參鵝掌，海參好入味，分量夠晒四個人食，性價比都幾高。