Burger's Friend Forever (MONTEREY Place) (已結業)

將軍澳海旁附近既Monterey 商場進駐左好多唔同嘅新餐廳，今次呢間餐廳主要係食唔同款色既漢堡包，餐廳地理位置方便好容易搵今次同朋友試咗兩款漢堡，分別係經典芝士漢堡同埋和牛漢堡，兩款漢堡包嘅價錢合理，我哋仲每個包加多$20升級變套餐有埋薯條同埋可樂經典芝士漢堡牛肉漢堡扒全部手打製成，當中以呢款經典芝士漢堡最受歡迎！食得出麵包外層經烘熱過，所以入口好香脆。餡料方面，有手打牛肉漢堡、洋蔥、芝士、番茄和生菜，非常足料豐富而且可以減輕油膩感！熱熔芝士仲要用上我最愛嘅車打芝士！另外，小店會提供手套，完全唔洗擔心會整污糟雙手和牛漢堡另一款和牛漢堡牛肉用上澳洲和牛肉製成，鮮嫩細緻的口感令人食唔停口，比起普通嘅漢堡扒肉質更嫩滑重牛香味，經火烤後濃郁既牛油香味十足，咬落更加肉汁豐富非常juicy。配上熱熔芝士，香濃嘅味道好有驚喜！