happy easter畫到真係超級靚！
真係極推薦帶小朋友嚟呢度食嘢
⭐️新奧良海鮮拼盤二人餐
最搶眼一定係隻羅門氏大蝦🦐
有成35cm長，蝦頭爆膏，超香香濃郁
其他海鮮都新鮮，鮑魚爽口、長腳蟹肉厚、蜆同青口乾淨冇沙，蒜香牛油汁配合埋海鮮真係超好食！
二人餐仲包咗黑松露牛肝菌蘑菇湯、慢煮雞胸胡麻沙律、一份小食同飲品
⭐️慢煮牛臉頰意粉🐮，意粉質地煮到啱啱好，牛肉煮到鬆化，紅酒汁香濃掛麵。
⭐️伯爵茶巴斯克蛋糕🍰
茶味突出，面頭焦糖脆脆哋，配流心奶蓋同無花果，甜度剛好。畫碟嘅復活節兔仔🐇同彩蛋好精緻，影相一流📸
