Cabana Breeze (已結業)

清下假，去下未去過嘅地方，離MTR15mins 嘅路程，經過一們好靚嘅公園，無乜人，好寫意，餐廳原來喺酒店入面，雖然天氣有啲熱，不過outdoor嘅位太chill又有太陽傘，絕對可以帶動心情💗，所以坐outdoor , 最多叫凍飲😋。set lunch 158,menu 就寫得唔太仔細，其實湯係南瓜湯，main course 加88蚊要咗牛，另一個係魚，甜品係朱古力雪糕，drink 包milk coffee☕, 好少餐廳set 會包，多數都要加錢。環境真係一流，有少少草地，對面係另一間餐廳，旁邊有間應該係印度super market.湯嚟到，好靚，麵包已放入湯中，所以已經稔晒，湯個味唔止南瓜，但我飲唔出係咩，總之麻麻。牛係碳燒，我地要咗medium ，切好晒，好方便，而且都好味👍。魚係炸嘅，不過個粉已經唔脆飲品麻麻雪糕上面有啲青蘋果，天氣熱，雪糕已有少少溶，用碟難食，用杯會好啲。