影片
更多
2022-04-04
200 浏览
下午茶時間想搵個地方歇歇腳，上網見到有間幾隱蔽但又有人氣嘅墨西哥餐廳，決定去試吓。一入門口見到裝潢風格一致，佈滿木色同綠色格調，帶輕工業風，用上一啲鐵板同埋各類工具做裝飾🔧幾別緻～Menu上都幾多fushion野食，見到介紹先知原來每碟菜色背後係由兩組新舊派師傅合作而設，仲會運用唔同國家嘅食物，以一貫嘅墨西哥方式呈現，難怪風味獨特！墨西哥香烤雞翼（微辣）雖然聽落係普通嘅菜式，但見到都覺得幾用心，雞翼為底，表面放咗撈好沙律醬嘅椰菜絲做配搭，另外仲灑滿辣椒粉增添香辣氣息。雞翼食落嫩滑，帶甜味，本身以為唔算好辣，點知食食下啲辣度都會慢慢滲出，作為小食唔錯～［台x墨］芝士粟米肉鬆餡餅（半份）一望到就知道係墨西哥傳統菜，但係用上台灣美食嘅配搭，除咗粟米同肉鬆，裏面鋪滿豬肉碎同拉絲芝士，面頭亦有啲酸忌廉，一邊食真係會忍唔住諗起台灣嘅蛋餅，fushion效果做得相當出色！成個餡餅食落外脆內層次豐富，旁邊仲附上新鮮牛油果同番茄醬，等客人可以自行配搭唔同嘅口味～［港x墨］MONIN芝士飛碟墨西哥包上枱見到佢嘅賣相已經覺得別樹一格，估唔到漢堡包都可以做到UFO形狀。佢主要用咗一大片嘅芝士營造飛碟外圍🛸，麵
下午茶時間想搵個地方歇歇腳，上網見到有間幾隱蔽但又有人氣嘅墨西哥餐廳，決定去試吓。一入門口見到裝潢風格一致，佈滿木色同綠色格調，帶輕工業風，用上一啲鐵板同埋各類工具做裝飾🔧幾別緻～
Menu上都幾多fushion野食，見到介紹先知原來每碟菜色背後係由兩組新舊派師傅合作而設，仲會運用唔同國家嘅食物，以一貫嘅墨西哥方式呈現，難怪風味獨特！
墨西哥香烤雞翼（微辣）
雖然聽落係普通嘅菜式，但見到都覺得幾用心，雞翼為底，表面放咗撈好沙律醬嘅椰菜絲做配搭，另外仲灑滿辣椒粉增添香辣氣息。雞翼食落嫩滑，帶甜味，本身以為唔算好辣，點知食食下啲辣度都會慢慢滲出，作為小食唔錯～
［台x墨］芝士粟米肉鬆餡餅（半份）
一望到就知道係墨西哥傳統菜，但係用上台灣美食嘅配搭，除咗粟米同肉鬆，裏面鋪滿豬肉碎同拉絲芝士，面頭亦有啲酸忌廉，一邊食真係會忍唔住諗起台灣嘅蛋餅，fushion效果做得相當出色！成個餡餅食落外脆內層次豐富，旁邊仲附上新鮮牛油果同番茄醬，等客人可以自行配搭唔同嘅口味～
［港x墨］MONIN芝士飛碟墨西哥包
上枱見到佢嘅賣相已經覺得別樹一格，估唔到漢堡包都可以做到UFO形狀。佢主要用咗一大片嘅芝士營造飛碟外圍🛸，麵包帶點甜味，夾層仲有大量嘅煙肉另外再配上一隻煎得啱啱好嘅太陽蛋。整體味道好夾，十分脆身香口，旁邊仲有啲酸椰菜沙律，比人解膩，係一道好有驚喜嘅菜式！
MOBIN 香烤香蕉花生醬甜脆餅
好欣賞佢運用咗墨西哥菜好常見嘅一種Tortilla做甜品底，烤得超級脆，香蕉同花生醬本來就係天作之合，加埋好多堅果粒、脆片碎、同埋唔少朱古力醬，簡直絕配！而脆片食落感覺輕盈，配搭所有配料一啖接一啖都唔會覺得好有罪惡，份量同甜度都啱啱好。大力推薦！
飲品今次叫咗兩款，分別係蜜桃冰茶，同埋蜜樹茶。前者大大杯，蜜桃味唔會好死甜，感覺幾新鮮，一股清甜口感，頂層仲好有心咁打咗層泡沫；後者貪得意因為未聽過所以想試吓，聞落有種非常特別嘅味道，飲落香氣幾濃郁，但好柔和，就算浸泡耐咗都唔會覺得好苦澀，重點係冇咖啡因同埋好有營養，可以一試！
张贴
