行行吓見到鐵板49蚊，仔仔未見過世面🤣就帶佢入去試吓
1
食物
雙吉魚豬鐵板 $49 (不包飲品)我老公好古板話:人哋叫自選2款，咪左1款右1款囉！
問咗姐姐👩🍳原來係10款仼揀架
一上到黎仲係咋咋聲
個吉列魚同吉列豬都好脆！不過啲薯條係底就有啲淋😭2歲呀仔食咗好多飯同魚呀！佢都話好食😋
餵完佢就到我食..個陣啲飯就岩岩暖，啲魚就好好食！不過豬扒就乾晒硬左…
4
咖哩焗牛扒飯 $61 (連$3凍飲)一上枱，個碟邊仲係超熱，熱到盤邊都係咋咋聲㗎
個咖哩汁好濃！上面仲有芝士，勁好食(芝士控）啲飯好粒粒分明，有咬口嘅！分量上就唔係夠，可能因為男人又大食
環境地方都算乾淨，同埋光猛⭐️全部都係卡位！不過就感覺好窄，人哋行岀黎，你要褪後先可以俾人過完再入。
服務我哋去食嘅時候12pm，應該未係忙嘅時候，啲姐姐都好都禮貌，見到我有小朋友，都主動拎定碗仔俾我！
我因為冇嗌嘢飲，所以叫佢俾杯水我都好快！
