影片
更多
2014-08-01
5180 浏览
Dalloyau，帝樂爾，又名'大籮由'之前聽同事講佢啲糕餅好出色一直想黎好耐點知系大阪旅行嗰時有幸遇上該分店 於是先淺嚐一下著名既opera果然令我一試難忘決定番到香港一定要黎排hightea食！！！五點鐘去到排隊，原本有吧枱可以即入，但由於同事L岩岩先收工仆過黎所以繼續等坐矮枱幸運地排我前面嗰堆人唔願意繼續等所以我排左大約十五分鐘就入得 lucky！經過一系列既macaron櫃、餅櫃、朱古力櫃同芝士房之後就被安排坐系一個兩人沙發位店員詳細地為我地介紹hightea既種類兩女子糾結左好耐決定叫兩件蛋糕同一個tea set for oneECHIQIER (前) ：同事真知我心，呢個旗盤完全有齊晒我鐘意既野食Dark, white & milk chocolate mousse同榛子初入口，層層mousse既感覺好分明，最後就同少少既榛子味融為一體，真系perfect池直情大愛呢個旗盤DALLOYAU(後)：呢個面頭鋪滿切碎杏仁既蛋糕，外表雖然唔討好但入邊充滿果仁cream同焦糖棒子真系好正就有種食緊粗粒花生醬嗰啲花生既感覺，食完覺得幸福度提升！Tea set for one：最底層既
之前聽同事講佢啲糕餅好出色一直想黎好耐
點知系大阪旅行嗰時有幸遇上該分店 於是先淺嚐一下著名既opera
果然令我一試難忘決定番到香港一定要黎排hightea食！！！
五點鐘去到排隊，原本有吧枱可以即入，但由於同事L岩岩先收工仆過黎所以繼續等坐矮枱
幸運地排我前面嗰堆人唔願意繼續等所以我排左大約十五分鐘就入得 lucky！
經過一系列既macaron櫃、餅櫃、朱古力櫃同芝士房之後就被安排坐系一個兩人沙發位
店員詳細地為我地介紹hightea既種類兩女子糾結左好耐決定叫兩件蛋糕同一個tea set for one
ECHIQIER (前) ：同事真知我心，呢個旗盤完全有齊晒我鐘意既野食
Dark, white & milk chocolate mousse同榛子
初入口，層層mousse既感覺好分明，最後就同少少既榛子味融為一體，真系perfect池
直情大愛呢個旗盤
DALLOYAU(後)：
呢個面頭鋪滿切碎杏仁既蛋糕，外表雖然唔討好
但入邊充滿果仁cream同焦糖棒子真系好正
就有種食緊粗粒花生醬嗰啲花生既感覺，食完覺得幸福度提升！
Tea set for one：最底層既系'龍蝦黑松露三文治' 同 '煙燻鮭魚配青瓜、芝士三文治'
由於朋友唔食得蝦，所以龍蝦黑松露三文治只好由我黎試晒
個人認為龍蝦黑松露三文治較好食，佢既龍蝦味好突出
相反另外嗰個鮭魚就俾啲青瓜搶左味
第二層一邊系'薯仔撻' 同 '軟山羊芝士撻' 而另一邊系'MINI OPERA'
個人好鐘意個薯仔撻，即使上枱已經半個鐘都keep到微暖
而個芝士撻都唔錯唔會有陣羶味，同事唔鐘意芝士味都覺得佢唔錯！
OPERA唔使講出聲，個水準同日本絕對唔會差得遠，濃濃既朱古力味系口入邊，俾個咖啡海綿蛋糕吸收晒，簡單就系一流既感覺
最頂層既'檸檬撻'、'草莓撻' 同 '咖啡泡芙'
基於個人不歡喜士多啤梨，因此由同事代嚐
佢話個士多啤梨唔酸，而且個撻皮擺左甘耐仲脆，唔錯唔錯
檸檬撻酸酸甜甜，底既撻皮都系脆既，清新+清脆=好食
而嗰個咖啡泡芙，咖啡味唔系十分濃，唔好咖啡味既人亦可輕而入口
店員既態度同服務都十分好，同鋪頭既金色裝潢十分配合，俾人既感覺好高貴张贴
