更多
2018-10-17
38 浏览
平時番工系公司附近見到呢間充滿希臘風情既餐廳已經好想入試下,今日男朋友接放工就預訂左呢間餐廳裏面位置唔算多,好彩有預訂位,基本上唔book係無位😝環境好舒服,整個餐廳嘅主題用咗藍白色,彷彿置身于希臘~食物嘅種類都好多,唔想諗咁多嘅就可以選擇set dinner 又或者叫主餐牌主菜再加$40都一樣可以配套餐!餐湯係蕃茄薯蓉湯,個人不太中意蕃茄,因為怕酸,但佢地呢個湯因爲混合了薯仔唔會好酸,味道岩岩好!好飲到我竟然清晒前菜是煙三文魚沙律,呢個沙律毫不馬虎,用咗煙三文魚、鮮葡萄、藜麥,再配合埋佢哋嘅醬汁,非常好食嘅沙律我哋仲叫咗個炸天婦羅蝦,好大隻蝦外層炸得非常鬆脆,配合裏面蝦嘅鮮嫩肉質,高質天婦羅蝦主菜男朋友就叫左美國牛脊肉扒,我地叫左七成熟,肉質咬落有鮮甜肉汁,而且口感鬆軟,配菜係薯蓉而唔係炸薯條,健康營養多了鍾意食海鮮嘅我就叫左一個海鮮意粉,係我最愛既扁意粉海鮮絕對唔係普通雪藏既,成個醬汁都有鮮味,加上蕃茄味另人十分開胃。
张贴