亞萊嘜嘜 (已結業)

每次經過亞唻嘜嘜都會有好多人去幫襯，但係太多人啦，我諗應該要等好耐，所以我都冇去試吓好唔好食，但係我從好多人食呢個好主觀嘅角度一睇我諗多人食嘅地方都應該係好食嘅。首先講返環境先啦，環境就不過不失，有少少座位起身好似唔夠闊而且有茶記嘅風味，設計上就麻麻啦。嘢食方面今次由於四個人所以可以叫多少少嘢食。海南雞 雞望落去好似都幾唔錯，但係食落去其實係無味嘅，而且又唔係好滑喎，食隻雞跟本就要點嗰啲醬汁，所以依個菜色可以唔叫，因為真係好一般。 \蠔仔蛋 蠔仔蛋睇落唔錯，蠔都有幾多，食落去都叫新鮮，而且又唔會抄得太鞋，但係整體都唔叫大分咁抵食囉。芒果蟹肉炒飯 蟹肉炒飯嚟講賣相都唔錯，當中係真係有芒果同蟹肉嘅，食落去個飯都叫做有粒粒嘅，但係芒果同蟹肉就比較少，平均一份都係得果4-5件芒果到，所以料就比較少。燒魚 燒魚相比其他菜式都叫相當不錯，魚應該係即燒嘅，所以一攞出嚟都出煙，魚食落去都無咩雪味，點檸檬汁亦都嘅有味，由於佢應該有用香料腌制過，所以食落去亦都有有少少咸同香昧，再配埋佢嘅泰式醬汁都幾嘢味架。另外亦都叫咗唔同嘅嘢飲，真多冰、咸檸七等等，總算不過不失。