西門町台灣麵食 (已結業)

早已聽聞西門町個大名,網上又勁多好評,心郁郁想試好耐! 問題是找不到間舖的位置; 經同事的提點下,原來此店比較近街尾,與地圖上的指示有一段距離...點了個四寶飯,有大腸,豆腐,鹵水蛋和雞腎;鹵水味充足之餘又不會過鹹. 味道OK但不很突出.雞扒麵... 麵OK;件雞扒炸得好靚,不過入口就... 以為在吃麥記的麥樂雞...豬扒飯是三碟中最好的. 豬扒夠大塊,厚度適中;最重要是夠入味.講價錢,午餐廿九蚊;但某幾種餸要加錢,例如豬扒加三蚊. 配台式飲品的話要加錢(忘了要加幾多,好似六蚊?);飲品加珍珠又再加兩蚊... 加加埋埋,一個午餐配杯珍珠奶茶其實並不便宜.至於環境,就如此店網上其他食評一樣,四個字: 坐得很迫. 基本上一定要搭檯...老實說,味道只屬一般,坐得辛苦之餘價錢又不是特別平. 也可能因為事前看到太多好評令我有一定期望,現在希望越大,失望越大...