影片
更多
2012-07-20
21 浏览
入去探細佬, 專登揀一間可以泊到 bb 車同埋比較健康o既食肆, 因為 bb 仲餵緊人奶終於俾我係開飯搵到呢間仲係推介o既之前三日左右打去訂左位講明係有 bb 車的當晚準時到達, 但餐廳已經好多人等緊位, 同一位男職員講我較早前訂左位, 佢叫我地等一陣好快會有等左一陣都唔見有人埋單, 個位男職員好唔好意思咁講 "本來留左張五人枱俾我地, 但六點時有班人入左黎所以俾左佢地先,諗住佢地八點左右就走, 點知..." 其實我都知留八點呢d時間係麻煩d, 所以唔緊要我地等一陣, 終於安排入座啦今晚叫左好多餸一場黎到點可以唔叫招牌菜 "冰鎮咕嚕肉" 個咕嚕肉唔好一上枱即刻夾, 最好等一陣, 等佢凍凍地先夾咁先可以試下冰涼咕嚕肉o既感覺, 不過我男友話熱食好味d, 但我覺得呢個真係唔錯, 唔會好似一般個 d 咁漏, 佢d汁岩岩痴住d肉, 唔會好似街個 d 咁多獻仲有叫左個招牌東江雞, 好滑好有雞味, 正另外仲有尖椒回窩肉, 呢個好惹味呀, 我同細佬都食不停三色蛋浸浸莧菜, 呢個真係如餐廳所講係少油成晚最唔好係條豉汁蒸蒼魚, 蒸過左火, 條魚鞋左 是晚燉湯係龍利葉燉雞, 呢個鹹左少少呢晚真係食得好飽呀
入去探細佬, 專登揀一間可以泊到 bb 車同埋比較健康o既食肆, 因為 bb 仲餵緊人奶終於俾我係開飯搵到呢間仲係推介o既
之前三日左右打去訂左位講明係有 bb 車的
當晚準時到達, 但餐廳已經好多人等緊位, 同一位男職員講我較早前訂左位, 佢叫我地等一陣好快會有
等左一陣都唔見有人埋單, 個位男職員好唔好意思咁講 "本來留左張五人枱俾我地, 但六點時有班人入左黎所以俾左佢地先,
諗住佢地八點左右就走, 點知..." 其實我都知留八點呢d時間係麻煩d, 所以唔緊要我地等一陣, 終於安排入座啦
今晚叫左好多餸
一場黎到點可以唔叫招牌菜 "冰鎮咕嚕肉"
個咕嚕肉唔好一上枱即刻夾, 最好等一陣, 等佢凍凍地先夾咁先可以試下冰涼咕嚕肉o既感覺, 不過我男友話熱食好味d, 但我覺得呢個真係唔錯, 唔會好似一般個 d 咁漏, 佢d汁岩岩痴住d肉, 唔會好似街個 d 咁多獻
仲有叫左個招牌東江雞, 好滑好有雞味, 正
另外仲有尖椒回窩肉, 呢個好惹味呀, 我同細佬都食不停
三色蛋浸浸莧菜, 呢個真係如餐廳所講係少油
成晚最唔好係條豉汁蒸蒼魚, 蒸過左火, 條魚鞋左
是晚燉湯係龍利葉燉雞, 呢個鹹左少少
呢晚真係食得好飽呀, 仲好開心
希望下次有機會入黎元朗會黎到幫襯, 因為我好想試下個鮮鮑魚雞煲, 蟹粥....等
呢晚係餐廳個魚缺仲見到海鱟, 不過我地無叫到呀,希望下次再黎有機會試下啦
张贴
