亞當麵館 (已結業)

係附近想搵啲野食，見呢間無負評，而好評又唔會不合比例既多，以為應該無咩打手，同埋心諗車仔麵應該唔會難食得去邊掛…我錯啦，一入去見到全部都係大陸同胞已經知賴嘢啦，原來舖頭用既宣傳平台唔係openrice啊…ok唔緊要，嗌左4個餸，第一陳皮咖喱魚蛋，味道還可以，但魚蛋完全唔彈牙，實的的…第二京蔥羊肉餃，個皮煮到一夾起已經爛曬，而入面個餡好粉好漿，我一度懷疑係未未煮熟，但外邊個皮明明淋到爛曬…另外兩個餸蘭王蛋同通菜表現正常，因為呢兩樣餸都好難整得唔好食。而最重要既死症就係個湯底同醬汁，我揀左沙嗲汁，但完全唔可以形容呢個係”湯底”，只係清水加左一匙沙嗲醬，真係第一次見，仲要個沙嗲醬入面辣油比例之高，一攞上枱我仲以為係辣椒醬，化開左之後，個”湯底”就變成加左辣油既水，係完全食唔到沙嗲味…第一次負評寫得咁認真，大家唔信邪可以自己親身去試下。