馬仔粉麵

雖然都未知幾時開始亦無話重建之後啲餐廳會點，但如果九龍城市政大廈重建後無左馬仔，一定會超唔開心。


一間好街坊式嘅邊爐，十個去九個都係食沙嗲湯底喇～ 湯底算係渴身，亦都幾濃味，留意返如果太滾可能會「火山爆發」，慢慢嘆就無錯㗎喇～

沙嗲湯底

叫左個大牛，肉味唔算濃但勝在份量夠，沙嗲牛無得輸先。

牛肉（大）

另一樣好鍾意呢度嘅原因就係佢其他料可以雙拼，人唔多嚟食呢樣野真係好緊要，可以食多啲唔同款嘅野嘛～

入左冬真係要嚟多幾次， 如果唔係可能有排都無得食。