杏香園 (已結業)

呢間專攻中式糖水尤其主力杏仁既糖水店, 之前行過三次都排哂大隊, 一次就賣哂杏仁糊, 真係好似好犀利, 今日趁閒日放假, 終於可以係下午時段黎幫襯下地方唔大, 不過裝修光猛, 枱同枱之間都唔會太近, 坐得舒服餐牌選擇都好多, 好多中式糖水既 crossover, 亦有少部份西式既糖水, 入到黎都可以好多野揀終於一試出名既蛋白杏仁茶($42), 好似下午茶時段有折, 實收$34; 如果冇折, 平日黎食就有少少貴; 不過食左一啖就即刻覺得收$42都值, 因為真係好香杏仁味, 蛋白亦非常好味; 加上隔離枱又係叫杏仁甜品, 簡直滿室杏仁香味