禾日

之前裝修一段時間既希慎地庫終於重新開業，而家變咗好多食肆。部分餐廳係food court形式營業，同時又有高質野。呢間日本餐廳裝修靚仔，格調好有吸引力。餐牌上除咗壽司刺身串燒呢啲大路野，仲有高質釜飯。月見厚燒牛舌香蔥釜飯 $252已經有一段時間冇食過釜飯，更唔記得幾時食過好食的釜飯，呢度絕對滿足到我。打開蓋已經好吸引，三塊牛舌勁厚肉，而且做到爽又爆汁。蛋漿撈勻釜飯口感更佳，重點係飯亦多，呢個組合值回票價。禾日本格派壽司 (海膽，松葉蟹肉，醬油漬三文魚籽) $178賣相絕對見得人，精綴又有奢華的感覺。海膽，松葉蟹肉，醬油漬三文魚籽做主打，底下有壽司飯，放上紫菜食，好有滿足感。軟殼蟹牛油果卷 $118軟滑的牛油果，中間有香脆軟殼蟹，上面蟹籽做點綴，三者結合，口感豐富。