名館 (希慎廣場) (已結業)

今朝食完個早餐就忙到而家，餓到飛起嘅我哋，就黎到希慎廣場～名館鎮江鮮肉小籠包～我哋習慣嘅食法係咬少少個頂，咁樣食冇咁容易熱親，個皮夠薄，內裏湯汁豐富，其中一個拎起嘅時候，唔小心整爛咗，流到成個匙羹都係汁😆好似飲湯咁！海南文昌雞半隻～文昌雞無雪味，最特別在於個汁，店員推介係用青檸汁、紅椒碎、蒜蓉混合而成，有別於醋汁嘅酸味，沾上雞件，充滿檸檬香！雲南涼拌貓耳朵～即係雲南雲耳，特別香脆，有少少四川麻辣香，夠入味。蜜椒脆薯牛柳粒～牛柳粒俾我想像中軟滑，冇咩根，薯仔都係炸過嘅，兩者嘅外皮都充份沾上蜜糖汁