喫茶ちょうぼ

营业中

休息中

環境冇另一間分店靚，但食物味道一樣。 日式紅酒燉牛肉蛋包飯 上檯會幫手澆紅酒汁。作為餐廳必點之一既蛋包飯，中意食咩配料隨意叫都冇伏。蛋係半熟流心狀態，好完美，蛋味都好香。牛肉賣相一般但好淋好入味。 炸軟殼蟹意粉 軟殼蟹夠大隻又香脆。雖然有少少難切，但用少少力都分到。冇油抑味之餘又唔會只係得殼冇肉。意粉都算彈牙，係個蕃茄醬有少少普通，好家庭式。 自家制漢堡扒定食唔建議。Size唔算大，直徑細M記少少，但高少少。而牛肉漢堡扒都厚身同有肉汁，可惜薯條真係少少難食。 布丁世一高度還原日本布丁，好好食。