珠記 (裝修中)

鴨脷洲自從南港島線通車後，由以前交通不便一下子變成觸手可及。今日喺鴨脷洲大街附近做嘢，到咗晚上八點，街上餐廳唔多亦唔太吸引，就走去市政大樓搵食。以熟食中心嚟講，呢度比較的骰，得六個鋪位。見到珠記都唔少人幫襯，即管試下。隨便叫咗幾味海鮮，加大啤一支。潮式蠔餅，煎得脆口，蠔仔大粒而且軟滑無渣。蛋香比蠔味重，係大路嘅味道。椒鹽鮮魷，魷魚新鮮有彈性，切得夠厚所以有咬口。粉漿上得均衡。蒜蓉粉絲蒸聖子，肉質嫩滑，火候剛好。